На пияток, 15. януара, у Новим Садзе будзе премиєра театралней представи А. П. Чехова „Свадзба”, у хторей ше ґлуми на вецей язикох, медзи нїма и по руски.
Мултиязична представа витворена у копродукциї заводох за културу националних заєднїцох у Войводини, та и руского, а од наших ґлумцох участвую Александра Лендєр, Иґор Горняк и Себастиян Няради.
Премиєра „Свадзби”, у режиї Лидиї Стеванович, на пияток будзе на Малей сцени Театру младих на 20 годзин.
Проєкт финансийно потримую Покраїнски секретарият за културу и явне информованє, Покраїнски секретарият за образованє, предписаня, управу и национални меншини-заєднїци и Управа за културу Городу Нови Сад
.
