Зоз друку вишол Зборнїк роботох зоз пиятей рускей науковей конференциї за студентох, младих науковцох и фаховцох отриманей 12. мая 2021. року.
Зборнїк ше состої зоз осем наукових роботох зоз обласци линґвистики, историї, литратури, педаґоґиї, антрополоґиї и гортикултури. Авторе и авторки хтори участвовали на конференциї (и два хтори лєм послали роботи за Зборнїк) то: Ана Римар Симунович, Андрей Орос, Єлена Дудаш, Якуб Павляк, Доротеа Будински, Саша Сабадош, Марина Сакач и Марина Шлемендер.
Совидавателє Зборнїка Завод за културу войводянских Руснацох и НВУ “Руске слово”, вєдно зоз Оддзелєньом за русинистику Филозофского факултету и нєформалним здруженьом Виглєдовацки круг.
Зборнїк мож достац у Заводзе лєбо “Руским слове” у Футожскей 2 у Новим Садзе, односно у Руским Керестуре у будинку дакедишнєй Друкарнї на 2. поверху.
