Завод за културу войводянских Руснацох и Виглєдовацки круг поволую шицких зацикавених на промоцию двох мастер роботох, автора Саши Сабадоша «Руска преса у Югославиї медзи двома шветовима войнами» и авторки Марини Джуджар «Прикметнїки у руским язику», котри видал Завод за културу войводянских Руснацох по Конкурсу под назву Едиция иновациї «Владимир Ґарянски».
Тиж будзе представени и Зборнїк роботох з другей рускей науковей конференциї младих науковцох и професионалцох отриманей 24. мая 2014. року у Новим Садзе.
Промоция ше отрима 18. децембра, на 13.00 годзин у просторийох Заводу за културу войводянских Руснацох у Новим Садзе, Футожска 2/III.
Витайце!
