На своєй пиятей порядней схадзки 12. септембра, Национални совит Руснацох дал позитивне думанє о вименкох Финансийного плану Заводу за културу войводянских Руснацох.
Пре прилапйованє двох проєктох з хторима конкуровал, звекшани Финансийни план Заводу за културу ВР. Завод за проєкт „Приручна библиотека Руснацох – Формованє фонду руских кнїжкох” од Министерства култури и информованя достанє коло 474 000 динари, а за видаванє нового компакт-диску Националного оркестру Руснацох 200 000 динари од Городу Нови Сад.
