Завод за културу войводянских Руснацох бул домашнї 5. роботней схадзки на тему промоциї и презентациї шейсц заводох за културу Войводини у Бриселу на предстояцим «Open days 2015.“ (13. октобер – 14 ґодзин, заплановани окруґли стол под назву «Розуменє Войводини – Understanding Vojvodina“ дзе будзе приказани 45мин. документарни промо филм и дзе будзе представена кажда национална заєднїца з окремним акцентом на аутентичносц и тото цо спецификує єй богатство, кед у питаню меншини «цо фактично найзначнєйши меншински бренди“, а друга часц будзе пошвецена презентациї самих Заводох, их активносцом, дїяльносци, мисиї итд.
На 19 годзин у просторийох амбасади РС у Бриселу ше планує заєднїцка мултимедиялна и аудиовизуелна вистава шицких шейсц заводох за културу Войводини вєдно зоз потримовку Покраїнскоґо секретарияту за културу та явне информованє зоз малим живим музичним концертом (чесц и наґоду будзе мац Сзилард Мезеи, наш познати музичар и европски припознати перформер), дзе ше през виводзенє и цикави обробки наших найпознатших меншинских писньох на єден сучасни способ оможлїви и почувствує часц мултикултуралносци, мултиенїчносци и мултирозличносци Войводини и меншинох хтори ту жию виками.
