У просторийох Заводу за културу войводянских Руснацох вовторок отримани Округли стол на тему Здруженя наставнїкох на меншинских язикох, инклузивне и интеркултуралне образованє. Ношитель того проєкту хтори потримани з боку фондациї за отворене дружтво зоз Беоґраду Граждански фонд Панония хтори роби на афирмациї образованя през сотруднїцство зоз меншинскима школами у АП Войводини.
У проєкту участовали и були присутни и представителє Основних школох Йован Йованович Змай зоз Дюрдьова, ОШ Ян Колар зоз Селенчи, ОШ Матко Вукович зоз Суботици итд. У проєкту участвовала и Мелания Римар, предсидателька Одбору за образованє.
Потримовка и промоция мултиетнїчносци, мултикултуралносци и мултиконфесионалносци, як и розвой цивилного сектору, гражданских инициятивох хтори унапрямени на змоцньованє меншинских политикох вшєлїяк же єден од стратеґийних цильох и роботних напрямох Заводу у наступним периодзе. Як часц потримовки нєшкайшей едукациї и подобних семинарох хтори орґанизовал Граждански фонд Панония, Завод подписал тройнїсти Меморандум о сотруднїцстве вєдно зоз ТИМ-ом (Центер за виглєдованє и едукацию) и Гражданским фондом Панонию зоз цильом заєднїцкого конкурованя на рижни европски проєкти и фонди.
