У Заводзе за културу войводянских Руснацох вчера, 18. юния отримана проєкция документарного филму Сашу Палєнкаша з Руского Керестура з назву „Горнїца – Terra Incognita”. Филм участвовал и на медзинародним фестивалє у Братислави (Словацка), а по тераз бул приказани у Дюрдьове на Литературним вечаре младих, у Руским Керестуре на „Дньовки”, а за єшень ше планує його проєкция и у Суботици (у орґанизациї Завода за културу войводянских Горватох) як часц мултикултуралного проєкту сотруднїцства помедзи меншинскима Заводами – вечар руского краткометражного филму.
Тот филм лєм перши крочай зоз сериї о Горнїци, понеже Палєнкаш подобни планує зняц и у Словацкей и у України, док то условия дошлєбодза. Филм наишол на позитивни коментари и нє ма нїяки претензиї, а як гварел автор Палєнкаш, од дзелєньох маме лєм чкоди.
Попри филму, Палєнкаш ше на вчерайшей програми у Заводзе представел и як музичар зоз виводзеньом даскелїх своїх музичних точкох.
