Завод за културу войводянских Руснацох зоз своїма видавательнима проєктами представи ше на пияток, 06. марца на Сайме кнїжкох у Новим Садзе.
На промоциї, хтора почнє на 13 годзин на Штанду Покраїнского секретарията за културу, явне информованє и одношеня з вирскима заєднїцами, буду представени два виданя: “Руснаци од присоєдинєня по Просвиту” и Зборнїк роботох зоз трецей науковей конференциї младих науковцох и фаховцох. Кнїжки представя автор кнїжки др Дюра Гарди и редактор Зборнїка Саша Сабадош.
