У святочней сали Матици Сербскей Антена канцелария Деска Креативна Европа вєдно зоз Библиотеку Матици орґанизовала Инфо-дзень о програми Креативна Европа.
Република Сербия потписала Спорозуменє о учасци у програми Креативна Европа юна мешаца 2014. року, а у януару 2015. року отворена Антена Деск Креативна Европа як оперативно-технїчна часц Фонда «Европски роботи» АП Войводини дзе здобути условия за саму имплементацию програми на єй териториї.
Инфо-дзень ма за циль цо векше анимированє и уключованє институцийох у Сербиї и АП Войводини до програми Креативна Европа, хтори унапрямени першенствено на явни институциї култури зоз АП Войводини – цивилни здружєня хтори робя у обласцох култури, образованю, науковим и виглєдовацким кругу и шицким хтори маю контакти зоз културу… Роботна тема того едукативного сходу була можлївосц учасци у програми Креативна Европа як и фахово напрями о ключних питаньох кед ше бешедує о можлївосцох конкурованя за ЕУ проєкти: на хтори способ треба формуловац проєктни идеї, як дойсц до партнерства, хтори документи потрибни за конкурованє и на яки способ координовац зоз самим проєктом… Обласц култури и културних политикох широка и муши мац за циль звекшованє капацитетох з боку самих покраїнских институцийох и цо лєпше буц порихтани зоз проєктами кед ше оглаши явна поволанка… Важне повесц же од прешлого року по нєшка зоз териториї Републики Сербиї апликовала 21 институция култури и то вшелїяк позитивни приклад кед жє сама програма тирва по 2020.рок (потерашнє искуство указує же прекладатательство литературних значних творох найвецей потримовки достало вєдно зоз партнерством вецей институцийох..)
Окремна повага будзе придата самей специфичносци , мултинационалней и мултиетнїчней Войводини и самим програмом медзиреґионалного сотруднїцства хторе ше реализує на єй териториї як и змоцньованю самих институцийох и їх капацитетох хтори доприноша розвою култури. Черанка нових зняньох, искуствох през змоцньованє, провадзенє и збогацованє нових културних трендох, векша мобилносц, конкурентносц, ефикаснєйша администрация и злєхчованє самих административних процедурох, робота на пременки самей структури публики дзе треба уключовац младеж и їх анґажованє до културних иновативних програмох шицко то задачи хтори ше находза пред нами у чаше хтори шлїдзи…
