Заєднїцку путуюцу вистава вершинских младих уметнїкох рускей, румунскей, мадярскей, словацкей и горватскей заєднїци под назву «Зоз слику вєдно» орґанизовали меншински заводи у Войводини у рамикох означованя 10 рокох иснованя и роботи.
Факт же меншински заводи за културу у Войводини одлучели праве на таки способ означиц дзешец роки своєй роботи у обласци професийного дїлованя у култури гутори о тирвацим интеркултуралним диялоґу и сотруднїцтве спомнутих заєднїцох и твардей пошвеценосци очуваню, унапредзеню и осучасньованю меншинских културох.
Селектор вистави Нела Тонкович вибрала Даряна Гардия зоз Руского Керестура, котри закончує мастер студиї з обласци литоґрафиї у Праги, же би представял руску заєднїцу на тей вистави.
Вистава шветочно отворена у Суботици, Новим Садзе, Зренянину и Сенти.
Авторка фотоґрафиї: Вероника Вуячич 
Авторка фотоґрафиї: Вероника Вуячич 
Авторка фотоґрафиї: Вероника Вуячич 
Авторка фотоґрафиї: Вероника Вуячич 
Авторка фотоґрафиї: Вероника Вуячич
