У наших просторийох можеце найсц актуални вибор друкованих медийох на руским язику, словнїки, моноґрафиї, белетристику, библиоґрафиї, биоґрафиї, каталоґи, зборнїки и други виданя на руским язику, а часц фонду и на сербским, українским, польским, горватским, словацким, румунским и мадярским язику.
Жичанє
Наша библиотека доступна шицким и єй хаснованє безплатне. За жичанє кнїжкох и авдио-визуалних медийох необходна членска карта.
За упис потребна важаца особна карта, або пасош, на увид.
Видату членску карту нємож пренєсц на другу особу. Младшим од 18 рокох окрем того потребни и подпис єдного родителя.
Модлїме Вас же бисце вше зоз собу мали свою членску карту, бо жичац материяли з библиотеки мож лєм зоз членску карту.
Шлїдуюци медиї можеце максимално нараз пожичиц:
6 кнїжки, 4 часописи, 2 ЦД, 2 ДВД
Термини за врацанє
4 тижнї: кнїжка
2 тижнї: часопис, ЦД, ДВД
Лексикони, словнїци и найновши виданя часописох нє мож пожичиц.
Предлуженє термина
Термин врацаня мож предлужиц кед же медий нє резервовани за других хасновательох. Хаснователь ма право термин врацаня предлужиц максимално два раз.
За предлуженє терминох хаснованя модлїме Вас же бисце контактовали з нами на телефон 021/548-421, або нам пишце на zavod.rusini@gmail.com
Опомнуца
Кажди хаснователь сам одвичательни за притримованє терминох за врацанє. Кед же ше хаснователь нє притримує терминаох за врацанє, посилаю ше найвецей три опомнца. Потим шлїдзи остатнє опомнуце, котре наяює виключенє з библиотеки.
Надопонєнє за страцене и очкодоване
У случаю траценя або очкодованя материялох з библиотеки, член длужни надопольнїц утрату.
Фотокопированє
Можлїве копировац часци змистох материялох библиотеки (кнїжкох, часописох и новинох) за особне хаснованє (у складзе зоз горе наведзеним ценовнїком).
Копированє ЦД-ох и ДВД-ох нє дошлєбодзене, бо ше з тим потупюю авторски права (Copyright) и то представя виновне дїло.
Хижни порядок
Забранєне куренє и уношенє єдзеня и напою до библиотеки. Нащивителє библиотеки длужни водзиц рахунка о власней гиґиєни. Заняти у библиотеки овласцени виключиц з библиотеки нащивительох котри потупюю хижни порядок.
