Кустос Нела Тонкович, редакторка и селекторка поставки вистави хтора ше орґанизує з нагоди означованя 10 рокох роботи и иснованя меншинских Заводох за културу у Войводини „Зоз слику вєдно“, спред рускей заєднїци вибрала уметнїка Даряна Гардия же би на вистави представел свою творчосц.
Дарян Гарди народзени 4.юлия 1994. року. Одроснул у РУским Керестуре, а до уметнїцких водох вошол уж под час штреднєй школи понеже закончел Штредню школу за дизайн „Боґдан Шупут“ у Новим Садзе, на напряму „дизайн енетериєру“.
Основни студиї закончел 2017. року на Академиї ликовних уметносцох и дизайну у Братислави (Словацкей), дзе студирал улустрацию у ателєу професора Душана Калая. Єден семестер препровадзел и на Академиї ликовних уметносцох у Ґданьску (Польскей).
Од 2018. року студира на мастер студийох на Академиї ликовних уметносцох, архитектури и дизайну у Праги (Чешка), дзе виучує илустрацию у ателєу професора Юрая Хорвата.
Вистава „Зоз слику вєдно“ будзе отворена 28.септембра 2018. року у Сучасней ґалериї у Суботици, и там ю нащивителє годни опатриц по 2. октобер истого року, после чого ше поставка преселї до Нового Саду до прострийох познатого „Едьшеґ замку“.
