Завод за културу войводянских Руснацох росписує
КОНКУРС
за суфинансованє програмох и проєктох сучасней уметнїцкей творчосци рускей заєднїци у Републики Сербиї
Конкурс ше одноши на програми сучасней уметнїцкей творчосци рускей заєднїци чия реализация предвидзена у 2018. Року. Вкупна сума средствох планованих за тоти причини, у складзе зоз Одлуку УО о росподзельованю нєроспоредзених средствох од 27.06.2018. року, а у складзе зоз Одлуку о финансийним плану Заводу за културу войводянских Руснацох за 2018. рок виноши 175.000,00 динари.
Приоритети суфинансованя проєктох за програми сучасней уметнїцкей творчосци рускей заєднїци:
– рижни програми и активносци у култури у рамикох театралней творчосци и интерпретациї (театрални представи, роботнї, участвованє на фестивалох )
– музични и музично-сценски наступ и танєц (знїманє авторского материялу, роботнї, участвованє на фестивалох)
– подобова и применєна творчосц (роботнї, участвованє на фестивалох, колонийох)
– видео, мултимедиялна и диґитална творчосц (знїманє авторского материялу, вистави, роботнї)
– медзиреґионалне сотруднїство и госцованя у иножемстве у рамикох алинейох 1-4 тей програми
– виглєдованя, зазберованя, обробок, очуванє и презентация сучасней уметнїцкей творчосци рускей заєднїци котри ше реализую у сотруднїстве зоз фаховима здруженями
и институциями.
Конкурс за шицки начишлєни обласци отворени од 02. юлия до 22. юлия 2018. року.
Текст конкурсу и формулар за прияву можеце превжац:
