На сайту Заводу за културу войводянских Руснацох тих дньох обявени линки за 3Д виртуални тури историйно-етнолоґийних збиркох у Руским Керестуре, Коцуре и Дюрдьове.
На интернет боку Заводу, на початним боку, находза ше линки за кажду збирку окреме: Керестурску музейну збирку, збирку у Етно клубу „Одняте од забуца” у Коцуре и Руску одлогу у Дюрдьове. Информациї у виртуалних турох о каждей збирки и вибраних предметох доступни на руским и сербским язику. У виробку турох, вибору предметох у каждей збирки хтори буду визначени и виробку описох участвовали фаховци и особи хтори ше стараю о тих збиркох. Збирки и предмети у Руским Керестуре и Дюрдьове вибрала и описала Любица Отич зоз Музею Войводини, а у Коцуре Аранка Медєши спред Етно клуба “Одняте од забуца”.
Тот Заводов проєкт софинансує Министерство култури у обласци унапредзеня културних дїялносцох националних меншинох, а вельку потримовку у реализациї дали Национални совит рускей националней меншини, КУД “Тарас Шевченко” з Дюрдьова и Етно клуба “Одняте од забуца”.
