У рамикох проєкту „Културне нашлїдство през мой обєктив“ хтори Завод за културу войводянских Руснацох реализує зоз потримовку Фондациї „Нови Сад 2021, Европска престолнїца култури“ , 24. и 25. новембра 2018. року  отримани други сет роботньох у Новим Садзе.

На дводньовей роботнї участоввали млади штредньошколци зоз бунєвацкей, сербскей, рускей, чешкей и влашкей заєднїци.  Преподаваня о основи теориї и пракси фотоґрафиї хтори отримал Борис Кочиш, сотруднїк Академиї уметносцох у Новим Садзе, а участвовали млади зоз Суботици, Нового Саду, Билей Церкви и Кучева.

Тиж, млади прешли и през интерактивну роботню о стереотипох, предросудкох и дискриминациї хтору водзела Єлена Пекович.

Док були у Новим Садзе учашнїки на проєкту мали нагоду присуствовац и програми з нагоди означованя 100 рокох од законченя Першей шветовей войни и злучованя Войводини Кральовини Сербиї.

Стретнуце закончене з догварками о наиходзацих проєктних задаткох хтори, скорей шицкого, унапрямени на вибор темох хтори ше буду фотоґрафовац у рамикох проєкту „Културне нашлїдство през мой обєктив“.

Проєкт ше закончи стредком 2019. Року з орґанизованьом вистави фотоґрафийох як конєчних продуктох того проєкту, а хтора потим будзе путовац по местох одкадз приходза учашнїки – Нового Саду, Петровцу на Млави, Билей Церкви и Суботици.

Share on FacebookTweet about this on TwitterEmail this to someone

Залишити відповідь

Ваша e-mail адреса не оприлюднюватиметься. Обов’язкові поля позначені *