На АМАТЕО конференциї представела ше и руска заєднїца. На 18 годзин у голу Покраїнскей влади на святочней програми наступела шпивацка ґрупа РКЦ , a на 20
годзин у Музею Войводини Здруженє женох “Байка” представела нашо традицийни єдла, партки и ручнїки, а нашо млади зоз КУД “Тарас Шевченко” представяли Руснацох у руским народним облєчиве.
АМАТЕО то Европска мрежа за активне участвованє у културних активносцох хтора промовує участвованє у волонтерскей и аматерскей творчосци. Нєшка у тей мрежи коло 30 национални и реґионални асоцияциї зоз жемох ЕУ. Медзи нїма и Союз уметнїцкей творчосци аматерох Войводини. Того року АМАТЕО мрежа свою рочну скупштину отримала у Сербиї у Новим Садзе 6. и 7. юния. Главни орґанизаторе конференциї були Союз уметнїцкей творчосци аматерох Войводини и Културни центер Войводини “Милош Црнянски” (потерашнї Завод за културу Войводини).
