Национални комитет за нєматериялне културне нашлїдство Сербиї принєсол одлуку о упису нових елементох до Националного реґистру нєматериялного културного нашлїдства Сербиї. Зоз Одлуку Комитета, до Националного реґистру уписани обичаї “Вельковноцни обичай пошвецаня паски” на предклад Музею Войводини, як и обичай “Мале коло”, на предклад Академского дружтва за пестованє музики „Гусле“ зоз Кикинди.
Так пошвецанє паски постало “живе културне нєматериялне нашлїдство” Сербиї и на лїстини ше находзи под числом 52. Комплетна документация о кандидованим нєматериялним културним добру тирвацо ше чува у Центру за нєматериялне културне нашлїдство при Етнографским музею у Бeoґрадзе у складзе са важацу законску реґулативу и тераз є часц бази податакох о нєматериялним културним нашлїдстве у Републики Сербиї. Зоз уписом на лїстину ше оможлївює моцнєйше сотруднїцтво зоз Центром на подзвигованю свидомосци о значносци очуваня того елементу, його препоознаваню, практикованю и преношеню на шлїдуюци ґенерациї.
Национални реґистер нєматериялного културного нашлїдства Сербиї, хтори ше водзи у Центру за нєматериялне културне нашлїдство при Етноґрафским музею у Беоґрадзе, основани у юнию 2012. року. У тим моменту, до Реґистру уписани 53 елементи “живого нашлїдства”, хтори розлични заєднїци препознали як характеристику свойого идентитету и, зоз преноншеньом з ґенерациї на ґенерацию, го зачували по нєшка.
