Шветочне означованє Националного швета Руснацох у Републики Сербиї, того року, 14. по шоре, пре хвилькову епидемиолоґийну ситуацию будзе означене онлайн, на нєдзелю, праве 17. януара на урядових дружтвених мрежох Заводу за култру войводянских Руснацох, Парохиї св. Апостолох Петра и Павла, Другей програми Радио-телевизиї Войводини и трецей мрежи Радия Нови Сад.
Програма:
18:00 Благодарна служба Божа – фейсбук Парохиї св. апостолох Петра и Павла и фейсбук Заводу за културу войводянских Руснацох
19:00 Руснаци у Новим Садзе и прегляд найлєпших наступох зоз прешлих Централних преславох– фейсбук, ют’юб и инстаґрам Заводу за културу войводянских Руснацох
20:00 Руснаци у Новим Садзе и кратки прегляд найлєпших наступох зоз прешлих Централних преславох – Програма на руским язику, РТВ2
20:00 Авдио прегляд найлєпших наступох зоз прешлих Централних преславох – РНС3 (100MHz)
Понеже у януару того року Централна шветочносц мала буц отримана у Новим Садзе, тота програма нас одведзе до єдинственого шпациру праве по тим месце и представи найзначнєйши точки повязаносци зоз Руснацми: нашо значни институциї, места, подїї и особи. Здогаднєме ше хтора то була значна подїя 1919. року после хторей рушело поставянє фундаментох розвою нашей заєднїци; хто були значни учителє и паноцове задлужени за отримованє нашого язика и култури; увидзиме хтори то значни институциї маю шедзиско у Новим Садзе; хтори особи значно участвовали и у ширшим новосадским окруженю, алє нє забували на свой руски идентитет. Попри того, здогаднєме ше и найлєпших наступох зоз прешлих шветох.
