През проєкт диґитализациї найстарших церковних матичних кнїжкох грекокатолїцких церковних општинох (матичних кнїжкох народзених/покресцених, винчаних и умартих старших як 100 роки) чуваме барз значни податки о нашей заєднїци хтори предтавяю вельку вредносц за виглєдованє и презентованє историї и кореньох, початкох Рускей заєднїци на тих просторох. У рамокох того проєкту диґитализовани матични кнїжки у Коцуре, Старим Вербаше, Новим Садзе, Дюрдьове, Сримскей Митровици и Шидзе.
Диґитализовани матични кнїжки хтори ту можеце опатриц то оперативни копиї, слабшей резолуциї пре вельке количество материялу хтори диґитализвоани. Кед вас интересую одредзени податки можеце нас контактовац на мейл office@zavod.rs и догвариц препатранє одредзених диґитализованих матичних кнїжкох у векшей резолуциї.
У наиходзацим периодзе Завод ше будзе фокусовац на пренаходзенє додатних финансийних средствох през писанє проєктох за преписованє податкох зоз диґитализованих матичних кнїжкох пре лєгчейше пренаходзенє податкох.
