Важне обвисценє:

Уходни дзвери до зґради у хторей ше находза просториї Заводу за културу войводянских Руснацох ше од вовоторку 2.04.2019. року замикаю. З тей нагоди обвисцуєме шицких хтори нас сцу нащивиц же би ше, док ше нє риши проблем з интерфоном, наявели, односно кед нє можу войсц най волаю на фиксни телефон 021 548 421.

Завод розписал конкурс за проєкти очуваня и нєматериялного културного скарбу и сучасней уметнїцкей творчосци рускей заєднїци

Управни одбор Заводу за културу войводянских Руснацох 01.04.2019. року росписує КОНКУРС за суфинансованє програмох и проєктох очуваня, пестованя, презентациї и розвою култури и уметносци рускей заєднїци у Републики Сербиї Конкурс ше одноши на програми/проєкти чия реализация предвидзена у 2019. року зоз шлїдуюцих обласцох: 1. Програми очуваня и нєматериялного културного скарбу рускей заєднїци 2. Програми сучасней […]

Преподаванє “Кашупска литература – початки”

Поволуєме вас на преподаванє професора Паждєрского зоз Филолоґийного факултету у Ґданьску хторе будзе отримане у Заводзе за културу войводянских Руснацох наютре, 19.02.2019. на 12 годзин. У питаню преподаванє: “Кашупска литература – початки”. Професор др Душан Владислав Паждєрски порядни професор и шеф Катедри за славистку, Филолоґийного факултету у Ґданьску у Польскей. Приходзи у рамикох Еразмус+ проєкту […]

Важне обвисценє – авторбуски превоз на Централну шветочносц до Руского Керестура

Будзе орґанизовани превоз за Националне швето у Руским Керестуре. Автобуси буду исц на релациї: 1. Нови Сад – Дюрдьов – Руски Керестур – приявиц ше до Заводу 2. Коцур – Вербас – Кула – Руски Керестур – приявиц ше Миколи Шантови 3. Шид – Беркасово – Бикич Дол – Руски Керестур – приявиц ше Златкови […]

Централна шветочносц означованя Националного швета Руснацох у Републики Сербиї

Маме окремну чесц и задовольство поволац Вас на Централну шветочносц означованя Националного швета Руснацох у Републики Сербиї, хтора будзе отримана на соботу, 19. януара 2019. року, у Руским Керестуре.   Програма шветочносци:   17.00 Архиєрейска благодарна Служба Божа – Катедрала св. Оца Миколая 18.30 Вистава ”12 пошвецени” и ”Керестурски вердути””– простория над крипту 19.00 Етно-стол […]

“Дияспора и ґлобализация: руски приклад” у Беоґрадзе

“Дияспора и ґлобализация: руски приклад” подїя през хтору ше ширша явносц упозна зоз културу, историю и културним скарбом Руснацох будзе отримана на вовторок, 18.12.2018. року на 17 годзин у Центру славянских културох у Народней библиотеки у Беоґрадзе. Бешеднїки на подїї буду проф. др Йоаким Стрибер, проф. др Янко Рамач, др Миряна Дєкич и Михал Рамач. […]

Отримани други сет роботньох у рамикох проєкту „Културне нашлїдство през мой обєктив“

У рамикох проєкту „Културне нашлїдство през мой обєктив“ хтори Завод за културу войводянских Руснацох реализує зоз потримовку Фондациї „Нови Сад 2021, Европска престолнїца култури“ , 24. и 25. новембра 2018. року  отримани други сет роботньох у Новим Садзе. На дводньовей роботнї участоввали млади штредньошколци зоз бунєвацкей, сербскей, рускей, чешкей и влашкей заєднїци.  Преподаваня о основи […]

Отимани перши сет роботньох у рамикох проєкту “Културне нашлїдство през мой обєктив”

Коло петнац стредньошколцох зоз шейсц националних заєднїцох 10. и 11. новембра у Новим Садзе участвовали на дводньовей роботнї хтора ше реализовала у рамикох проєкту „Културне нашлїдство през мой обєктив“. Проєкт реализує Завод за културу войводянских Руснацох зоз потримовку Фондациї „Нови Сад 2021, Европска престолнїца култури“, а на тему „Публика у фокусу“. Циль проєкту же би […]

Означени 10 роки иснованя Заводу за културу войводянских Руснацох

Завод за културу войводянских Руснацох означел 10 роки иснованя и роботи. Означени є зоз активносцами, роботнями, округлима столами, промоцию видеа, театралну представу у камерним виводзеню и бависком “Сцекнї зоз Заводу”, хтори були отримани од 26. по 28. октобер 2018. року. Як ювилей означени можеце опатриц през фотоґрафиї Вероники Вуячич.

Отворена вистава „Зоз слику вєдно“ у Новим Садзе

З нагоди означованя децению роботи и иснованя штирох Заводох за културу националних Словацох, Горватох Руснацох и Румунох як и Завод за културу войводянских Мадярох, хтори иснує 12 роки отворена мултимедиялна и мултикултурална вистава „Зоз слику вєдно“ у Новим Садзе, у просторийох добре познатого „Едьшеґ замку“ Кустис вистави Нела Тонкович за тоту виставу гвари же ше […]