Завод за културу войводянских Руснацох нашол ше медзи 21 институцию култури хтора достала финансийну потримовку за проєктни активносци од Фондациї „Нови Сад – Европска престолнїца култури – 2021” .

Слово о конкурсу “Публика у фокусу” хтори розписала Фондация, а през хтори потримана 21 институция и установа култури з Нового Саду, Ириґу и Беочину зоз вкупно 20 милиони динари.

Контракти представнїком уручели покраїнски секретар за културу, явне информованє и одношенє з вирскима заєднїцами Драґана Милошевич и директор Фондациї „Нови Сад – Европска престолнїца култури – 2021”, Неманя Миленкович.

Проєкт под назву „Културне нашлїдство през мой обєктив” Завода за културу войводянских Руснацох потримани зоз 550 тисячи динари и ма за циль обєдинїц младих припаднїкох рускей, влашскей, бунєвацкей, ческей, ромскей и сербскей заєднїци на иновативним приступу очуваня власней етнїчней традициї.

Контракт у мено Заводу за културу войводянских Руснацох, як ношителя того проєкту, потписала директорка Анамария Ранкович. Тот проєкт, котри визначує руску заєднїцу  як отворену за интеркулурални диялоґ, будзе тирвац од септембра 2018. по юлий 2019. року.

Share on FacebookTweet about this on TwitterEmail this to someone

Залишити відповідь

Ваша e-mail адреса не оприлюднюватиметься. Обов’язкові поля позначені *