Зоз путуюцу мултимедиялну и мултикултуралну виставу „Зоз слику вєдно“ штири Заводи за културу националних Словацох, Горватох Руснацох и Румунох преславяю децению иснованя и роботи, як и Завод за културу войводянских Мадярох, хтори иснує 12 роки.

Тота вистава у Новим Садзе, у просторийох добре познатого „Едьшеґ замку“ будзе отворена 22. октобра 2018. року.

(Фотоґрафия: Суботица.инфо)

Премиєно, у Сучасней ґалериї у Суботици тоту виставу 28.9.2018. року отворела покраїнска секретарка за културу, явне информованє и одношеня зоз вирскима заєднїцами Драґана Милошевич хтора потвердзела же медзисобне почитованє и сотруднїцтво за тоти 10 роки, як и чуванє националного идентитету и мисия и задача каждого од Заводох, цо ше през виставу „Зоз слику вєдно“ и видзи и обачує.

Кустис вистави Нела Тонкович за тоту виставу гвари же ше Заводи представели зоз сучасну уметносцу, цо викрок зоз дотерашнєй пракси.

На вистави участвую шесцеро уметнїки розличного возросту и кариєри (од тих цо лєм починаю свою уметнїцку драгу, по тих, уж афирмованих) хтори ше представели зоз розличнима роботами хтори настали през комбиновану технїку, фотоґрафию, литоґрафию, бабкох хтори ше хасную у стоп-моушн анимованю, скулптури – цо по словох кустоса Тонковичовей указує на шлєбоду виражованя и окремносци идеї.

(Фотоґрафия: Фейсбук профил Даряна Гардия)

З тей нагоди поволуєме вас на отверанє вистави у просторийох „Едьшеґ замку“ 22. октобра 2018. року, алє и же бисце нащивели виставу „Зоз слику вєдно“ хтора будзе виложена по конєц октобра, после чого ше селї до Зренїнину (21. новембра 2018. року) и до Сенти (5. децембра 2018. року).

Share on FacebookTweet about this on TwitterEmail this to someone

Залишити відповідь

Ваша e-mail адреса не оприлюднюватиметься. Обов’язкові поля позначені *