На наступним Шейдзешат другим Медзинародним сайме кнїжкох у Беоґрадзе, хтори почал внєдзелю, 22. октобра, а тирва по 29. октобер, Завод за културу войводянских Руснацох ше представи двома новима, як и шейсц кнїжками з прешлорочних продукцийох,  

Широкей публики буду представене виданє мастер роботи Ани Римаровей Уплїв українски писательох на Михайла Ковача о хторим будзе бешедовац сама авторка, а вд Анамария Ранкович представи монґрафию о Бикич Долу хтора вишла у януару того року у рамикох означованя Националного швета Руснацох у тим месце.

Кнїжки Заводу на Сайме нєпреривно буду виложени на заєднїцким штанду Покраїнского секретарията за културу, явне информованє и одношеня з вирскима заєднїцами и Покраїнского секретарията за образоване, предписаня управу и национални меншини, а промоция наших виданьох будзе на штварток, 26. октобра, у Гали 4 „Александар Вучо” на 11 годзин.

Завод за културу войводянских Руснацох до конца рока обяви ище три наслови: Мастер робота Литературно-историйни дикурс драмского додатку часописа Шветлосц у периодзе од 1952 по 2010. рок авторки Александи Лендєр, Зборнїк роботох з трецей науковей конференциї и словнїк руского народного язика у редакциї Юлияна Рамача

Share on FacebookTweet about this on TwitterEmail this to someone