Пондзелок, 23. октобра, представителє штирох заводох за културу, мадярскей, словацкей, рускей и горватскей националней заєднїци, представели свойо видавательство на Сайме кнїжкох у Беоґрадзе.

На штанду Покраїнского секретарияту за образованє, предписаня, управу и национални меншини-национални заєднїци и Покраїнского секреатарияту за културу, явне информованє и одношеня зоз вирскима заєднїцами стретли ше Тамаш Варґа, сотруднїк мадярского, Ана Хрчан Лесковац, директорка словацкого, Катарина Челикович, фахова сотруднїца горватского и Анамария Ранкович в.д. руского Заводу за културу. Представителє заводох визначели потребу заєднїцкого явного представяня видавательней дїялносци и похвалєли поволанку же би ше представели на беоґрадским Сайме кнїжкох, алє тиж так ше зложели же потребне найсц явни простор и озвученє же би ше адекватнєйше представели публики.

На стретнуцу бешедоване и о потреби лєгчейшей дистрибуциї кнїжкох на меншинских язикох, явного представяня, валоризациї у часописох, одкупйованю, прекладаню, наградох и стимулациї младих авторох.

(зоз Рутенпресу)

 

IMG-4b95f2c2f4a655d09b3a4367096b6f4c-VIMG_20171023_103610 IMG-18808fdb9c2327ac56f2b7270db16658-VIMG_20171023_103626 IMG_20171023_115504 IMG_20171023_115510

IMG-8b79f72d95caf5a510bc98ff73a6a2ab-V IMG-b8f59b69eaef093f37d8488b44581f6b-V IMG-f29f1ee001109c81794579c24bd635f1-V

Share on FacebookTweet about this on TwitterEmail this to someone